ပန်းတိုင်သို့

aimဘဒ္ဒန္တဇောတိက (မန်းနဲ့ဇော) ဒု-ပါမောက္ခချုပ် (သင်ကြား)

သာသနာ့တက္ကသိုလ်၊ ရန်ကုန်။

လူသားများသည် ကာမဘုံမှာ မွေးဖွားလာကြသူများ ဖြစ်သည်။ လိုလားမှုအဖြစ်များသည့် နေရာဌာနကို ကာမဘုံဟု ခေါ်ဆိုနိုင်သည်။ ယင်းဘုံ၌ နေထိုင်ကြသူများသည် ကာမဘုံသားများ ဖြစ်သည့်အားလျော်စွာ လိုလားမှုများလည်း အတိုင်းအ ဆမဲ့ ဖြစ်နေကြသည်။ လိုလားမှုဖြစ်လာတော့ လိုအပ်ချက်တို့ကို တွေ့ မြင်လာကြ၏။ တွေ့မြင်လာရသည့် လိုအပ်ချက်တို့ကို ပြည့်မီအောင် ဖြည့်ဆည်းနိူင်ရေးအတွက် လုပ်ဆောင်ချက် အမျိုးမျိုးတို့မှာ ဦးတည်ချက်များအဖြစ် ကိုယ်စီကိုယ်စီ ထားရှိလာကြသည်။ ယင်းဦးတည်ချက်ကိုပင် ရည်မှန်းချက်ပန်းတိုင် ဟု ခေါင်းစဉ်တပ်ပြီး ပန်းတိုင်တစ်ခုစီ စိုက်ထူလျက်သား ဖြစ်သွားကြ၏။

ရည်မှန်းချက်ပန်းတိုင်သို့ ရောက်အောင်လျှောက်လှမ်းရာ၌ ပန်းခင်းသောလမ်းပေါ်တွင်သာ လွယ်ကူချောမွေ့စွာ လျှောက်လှမ်းရသည် မဟုတ်ပါ။ အခက်အခဲ အကြပ်အတည်းမျိုးစုံကို ရင်ဆိုင်ဖြတ်သန်း လျှောက်လှမ်းနေကြရသည်။ ချမှတ် ထားသည့် ရည်မှန်းချက်ပန်းတိုင်ကြီးမားလေလေ အခက်အခဲ အကြပ်အတည်း များလေလေ ဖြစ်သည်။ အလောင်းတော်များ သည်ပင် ၎င်းတို့၏ ပါရမီဖြည့်ခရီးလမ်းမှာ အခက်အခဲများစွာ ရင်ဆိုင်ကြုံတွေ့ခဲ့ရသည်ကို လေ့လာတွေ့ရှိနိုင်ပါသည်။

ပန်းတိုင်ရောက်ရှိရေးခရီးမှာ အခက်အခဲအကြပ်အတည်း များစွာပင် ရှိနိူင်သော်လည်း အခက်အခဲများကို ကြောက် ရွံ့ပြီး ရည်မှန်းချက်ကို စွန့်လွှတ်လိုက်လျှင် လိုရာပန်းတိုင်သို့ မည်သည့်အချိန်တွင်မှ ရောက်ရှိနိုင်တော့မည် မဟုတ်ပေ။ အ ခက်အခဲ လွန်မြောက်ကြောင်း နည်းကောင်းလမ်းမှန်များကို ရှာဖွေမှတ်သားပြီးလိုက်နာကျင့်သုံးမှသာ လိုရာပန်းတိုင်သို့ ရောက်ရှိနိုင်မည် ဖြစ်သည်။

ဗုဒ္ဓမြတ်စွာသည် ဘ၀ပေါင်းများစွာ ဖြတ်သန်းကျော်ဖြတ်ခဲ့သည့် ဘ၀အတွေ့အကြုံများကို အခြေခံပြီး အခက်အခဲများ ကိုကျော်လွှားနိုင်အောင် လက်ကိုင်ထားရမည့် အားထားရမည့် တရားလေးမျိုးကို ညွန်ကြားတော်မူခဲ့သည်။ ဗုဒ္ဓမြတ်စွာ အ လောင်းတော်ဘ၀မှာ ကိုယ်တိုင်ကျင့်သုံးခဲ့သည့် နည်းကောင်းလမ်းမှန်လည်း ဖြစ်သည်။

ဥဋ္ဌာနေန ပ္ပမာဒေန၊ သံယမေန ဒမေန စ။

ဒီပံ ကယိရာထ မေဓာဝီ၊ ယံသြဃော နာဘိကီရတိ။

ဤလမ်းညွန်ချက် ဂါထာလေးကို လေ့လာကြည့်ပါက -

(1)  လုက်ဆောင်ရမည့် အချက်

(2)  တိုက်တွန်းချက်

(3)  အာမခံချက် ဟူသော အချက်အလက်များ ပါဝင်သည်ကို တွေ့မြင်ရမည် ဖြစ်သည်။

လုပ်ဆောင်ရမည့် အချက်များ -

(1)  ဥဋ္ဌာန – ဇွဲမလျှော့ဘဲ ရဲရင့်ပြတ်သား ကြိုးစားခြင်း။

(2)  အပ္ပမာဒ – ဦးတည်ချက်ကို မမေ့ဘဲ ခိုင်ခိုင်မြဲမြဲ စွဲကိုင်ထားခြင်း။

(3)  သံယမ – ရည်မှန်းချက်ပန်းတိုင် ရောက်ရေးအတွက် ကိုယ်နှင့်နုတ်ကို အမှားအယွင်း မရှိအောင် စောင့်စည်းခြင်း။

(4)  ဒမ – ဦးတည်ချက်ပန်းတိုင်မှ လွဲချော်သွားစေမည့် အပြုမူမျိုး အပြုလုပ်မိအောင် ဉာဏ်ဖြင့်ချင့်ချိန် ပိုင်းခြား၍ စိတ်ကို

ထိန်းချုပ်ခြင်း ဟူသော ဤလေးချက်ကို မဖြစ်မနေ လုပ်ဆောင်ရမည့် အချက်များ ဖြစ်သည်။

တိုက်တွန်းချက် -

ဒီပံ ကယိရာထ မေဓာဝီ – ရည်မှန်းချက်ပန်းတိုင်ကို ပိုင်ပိုင်နိုင်နိုင် လှမ်းကိုင်လိုသော ပုဂ္ဂိုလ်တိုင်း ထိုတရားလေးမျိုးကို

ဘဝဆီမီးတိုင်သဖွယ် ဘ၀လမ်းညွန်သဖွယ် ဘဝမှာအားထားမှီခိုရာ ကျွန်းသဖွယ် မှတ်ယူပြီး လက်ကိုင်ထားရမည်။

ထိုတရားလေးမျိုးကို အလေးအနက် ထားပြီး လက်တွေ့ကျကျ လိုက်နာကျင့်သုံးရန် တိုက်တွန်းတော်မူခြင်း ဖြစ်သည် ဆေးသည်မည်မျှပင် ကောင်းမွန်သော်လည်း ဆေးကို နည်းမှန်လမ်းမှန် စားသုံးခြင်း မရှိလျှင် ရောဂါ မပျောက်နိုင်သကဲ့သို့ နည်းလမ်းသည် မည်မျှပင် ကောင်းမွန်မြင့်မြတ်သော်လည်း နည်းမှန်လမ်းကျ လိုက်နာကျင့်သုံးမှုမရှိလျှင် အောင်မြင်မှု ပန်း တိုင်နှင့် အလှမ်းဝေးကွာနေဦးမည်ဖြစ်ကြောင်း မီးမောင်းထိုးပြလိုက်ခြင်း ဖြစ်သည်။

အာမခံချက် -

ယံ ဩဃော နာဘိကီရတိ ထိုတရားလေးမျိုးကို စွဲစွဲမြဲမြဲ ဆုပ်ကိုထားပြီး လျှောက်လှမ်းသွားမည် ဆိုပါက ဘဝခက်ခဲ များစွာကို ဖြတ်ကျော်ရင်း ရည်မှန်းချက် ပန်းတိုင်ဆီသို့လည်း ဆိုက်ဆိုက်မြိုက်မြိုက် ရောက်ရှိနိုင်ကြောင်း အာမခံချက် ပေး ထားပါသည်။ ဤအာမခံချက်သည် စိတ်ကူးယဉ်ဆန်သော အာမခံချက် မဟုတ်ပေ။ လက်တွေ့ကျသော အာမခံချက် ဖြစ် ကြောင်းကို တေလပတ္တဇာတ်တော်မှာ လာရှိသည့် အလောင်းတော်၏ ဘဝဖြတ်သန်းမှု ဖြစ်စဉ်မှတ်တမ်းက သက်သေပြု လျက် ရှိသည်။

ယင်းဖြစ်စဉ်မှတ်တမ်း၌ အလောင်းတော်သည် ဗာရာဏသီပြည့်ရှင် ဗြဟ္မဒတ်ဘုရင်၏ သားတော်တစ်ရာတွင် အငယ် ဆုံးသားတော် တစ်ယောက်ဖြစ်သည်။ အငယ်ဆုံးဖြစ်သည့် အတွက် ဗာရာဏသီမှာ နေထိုင်သွားပါက ဖခင်အရိုက်အရာ ထီး မွေနန်းမွေရရန် မျှော်လင့်ချက် လုံးဝမရှိနိုင်ပေ။ ယင်းအချက်ကို အလောင်းတော် ရှုမြင်သုံးသပ်မိသည်။ အထက်တန်းသို့ ရောက်ရန် မျှော်လင့်ခွင့်မရှိသော နေရာမှာ ဆက်လက်နေထိုင်သွားလျှင်မျှော်လင့်ချက်ကင်းမဲ့ကာ သာမန်ဘဝဖြင့်ပင်ဘဝ တစ်ခု အဆုံးသတ်သွားမည် ဖြစ်သည်။

အလောင်းတော်သည် အထက်တန်းသို့ရောက်လိုသောစိတ်ဓာတ်ကို အခြေခံပြီးအထက်တန်း ရောက်အောင် လမ်း ညွှန်ပေနိူင်မည့် ဆရာကောင်းကို ရှာဖွေခဲ့ရာ ပစ္စေကဗုဒ္ဓါအရှင်မြတ်ကို တွေ့ခဲ့သည်။ အရှင်မြတ်ကို ဘဝလမ်းမှန် ညွှန်ပြသူ ဆ ရာတစ်ဆူ အနေဖြင့် ကိုးကွယ်ဆည်းကပ်ခဲ့၏။ အရှင်မြတ်၏ လမ်းညွှန် အကြံပေးချက်အရ ဂန္ဓာရတိုင်း၊ တက္ကသိုလ်ပြည်သို့ သွားရောက်ရန် ဆုံးဖြတ်ခဲ့သည်။

လမ်းခရီးသည် အန္တရာယ်များသော တောလမ်းခရီး ဖြစ်သည်။ လမ်းခရီးမှာ တောအုပ်ကြီးက ကာဆီးထားလျှက် ရှိ သည်။ တော်အုပ်ကြီးကို ကွေ့ရှောင်သွားလျှင် ယူဇနာတစ်ရာဝေးကွာ၏။ တောအုပ်ကြီးထဲမှာ ဖြတ်သန်းသွားလျှင် ယူဇနာငါး ဆယ် မျှသာ ဝေးကွာတော့၏။ အကွာဝေးမှာ ထက်ဝက်ခန့်တောင် ကွဲပြားလျက်ရှိသည်။ သို့သော် တောအုပ်ထဲတွင် အသက် ကိုပင် အန္တရာယ်ပေးနိုင်စွမ်းသည့် ဘီလူးစသော သတ္တ၀ါများ ကြီးစိုး၍ နေထိုင်ကြ၏ မည်သို့ပင်ဖြစ်စေ ခုနစ်ရက်အတွင်း ရောက်အောင် သွားရမည့်ခရီးဖြစ်နေသည့်အတွက် တောအုပ်ကြီးကို မဖြစ်မနေ ဖြတ်သန်းသွားရန်ကိုပင် အလောင်းတော်က ရွေးချယ်ခဲ့သည်။

ဘုရားအလောင်းနှင့်အတူ အဖော်ငါးဦးလည်း လိုက်ပါလာခဲ့သည်။ အဆုံးမှာ ဘုရားအလောင်းသည် လိုရာခရီးသို့ ဆိုက်ဆိုက်မြိုက်မြိုက် ရောက်ရှိခဲ့ပြီး တက္ကသိုလ်ပြည်တွင် ရှင်ဘုရင်ဟူသော အဆင့်မြင့် ရာထူးကို ရရှိခဲ့သည်။ သို့သော် အ တူလိုက်ပါလာခဲ့သည့် အဖော်ငါးဦးမှာကား လမ်းခရီးမှာပင် အသက်ဆုံးရှုံးသွားခဲ့ကြ၏။

အန္တရာယ်ပြွမ်းသော ခရီးလမ်းကို ဖြတ်သန်းကြတာချင်းအတူတူ အလောင်းတော်တစ်ဦးတည်းသာ ခရီးဆုံးသို့ ရောက်ပြီး အဖော်ငါးဦးမှာ အသက်ဆုံးရှုံးခဲ့ကြရသည်၌ လျှို့ဝှက်ချက်ရှိနေပါသည်။ လူမသမာတို့ ပြုမူလေ့ရှိသည့် လမ်းရိုး ဟောင်းသို့လိုက်၍ ဘုရားလောင်းသည် အဖော်ငါးဦး၏ အသက်ကို လှေကားထစ်သဖွယ် အသုံးချပြီး လိုအပ်ချက် ပန်းတိုင်သို့ တက်လှမ်းခဲ့သည်လားဟု သံသယမပွားစေလိုပါ။ ဘုရားအလောင်းနှင့်အတူ လိုက်ပါသွားခဲ့သော အဖော်ငါးဦးမှာ လုံလောက် သည့်ဇွဲလုံ့လလည်း မရှိ၊ ဦးတည်ချက်လည်း မခိုင်မြဲ၊ ကိုယ်နှုတ်ကိုလည်း မစောင့်စည်း၊ စိတ်ကိုလည်း ဉာဏ်ဖြင့် ထိန်းသိမ်း ချုပ်တည်းနိုင်စွမ်း မရှိခဲ့ပေ။ ထို့ကြောင့် လမ်းခရီးမှာပင် အသက်ဆုံးရှုံးခဲ့ကြခြင်း ဖြစ်သည်။

ဘုရားအလောင်းတော်မှာကား ကျန်အဖော်ငါးဦးနှင့်မတူ ဦးတည်ချက်ကို ခိုင်ခိုင်မာမာစွဲကိုင်ထားလျက် ဘဝအခက်

အခဲတို့ကို ဖြတ်ကျော်နိုင်ကြောင်း တရားကောင်းများကို အားကိုးအားထားပြုခဲ့သောကြောင့် လိုရာခရီးသို့အရောက် လှမ်းနိုင် ပြီး ရှင်ဘုရင်ဟူသော မျှော်လင့်ချက်ပန်းတိုင်ကိုလည်း လက်ဝယ်ပိုင်ပိုင် ဆုပ်ကိုင်နိုင်ခဲ့ခြင်း ဖြစ်သည်။ အမှန်အားဖြင့် ဘုရား အလောင်း အပါအ၀င် ထိုခြောက်ဦးတို့သည် အခက်အခဲများကို ရင်ဆိုင်ကြုံတွေ့ခဲ့ရသူချည်းပင် ဖြစ်သည်။ သို့သော် ရရှိလာ သည့် ရလာဒ်ကား မတူညီကြပေ။ ထို့ကြောင့်ပညာရှင်များက -

ဒုက္ခအန္တရာယ်တွေ၊ အခက်အခဲတွေ ဆိုတာ ပူပြင်းတဲ့ရာသီဥတုနှင့် တူတယ်။ ပူပြင်းတဲ့ရာသီဥတုဟာ နွားနို့ကိုတော့ ချဉ်သိုးပုပ်အဲ့သွားစေပြီး အချို့သောသစ်သီး တွေကိုတော့ ချိုမြိန်တဲ့အသီးတွေ အဖြစ်သို့ ရောက်အောင် ရင့်မှည့်စေနိုင်တယ် ဟု အဆိုပြုကြသည်။

အခက်အခဲများ၊ အန္တရာယ်များ ကြုံတွေ့နေရချိန်မှာ ဥဋ္ဌာန စသောတရားလေးမျိုး မရှိသူများမှာ စိတ်ဓာတ်ပျော့ပြီး ပျက်စီးဆုံးရှုံးမှုနှင့် ရင်ဆိုင်တွေ့ကြုံရနိုင်ပါသည်။ ထိုတရားလေးမျိုးကို ဘ၀ဆီမီးတိုင်သဖွယ် ဘ၀လမ်းညွန်သဖွယ် စွဲကိုင်ထား သူများမှာ အခက်အခဲသည် ဘဝလှေကားထစ်သဖွယ် ဖြစ်ပြီး အရည်အသွေးကောင်းများကို ဖြစ်ပေါ်စေနိုင်ကြောင်း အ လောင်းတော်၏ ဘဝဖြတ်သန်းမှုဖြစ်စဉ်က ဖော်ညွန်းနေပါသည်။ တေလပတ္တဇာတ်တော်လာ အလောင်းတော်၏ ဘဝဖြစ်စဉ် သည် အောင်မြင်ဖြစ်ထွန်းလိုသူ လူသားများအတွက် ဘဝအောင်မြင်ရေးလမ်းညွှန် ဖြစ်ပါ၏။

သို့ဖြစ်၍ ဘုရားအလောင်းတော်၏ စံနမူနာကို စံပြုအတုယူပြီး-

သစိတ္တမနုရက္ခ၊ ပတ္ထယမာနော ဒိသံအာဂတပုဗ္ဗံ။

အာဂတပုဗ္ဗံ – မရောက်သေး မရသေးသော၊ ဒိသံ- အရပ်မျက်နှာတည်းဟူသော ရည်မှန်းချက်ပန်းတိုင်သို့၊ ပတ္ထယမာ နော – ရလို ရောက်လိုသော ပုဂ္ဂိုလ်မှန်သမျှသည်၊ သစိတ္တံ – မိမိစိတ်ဓာတ်ကို၊ အနုရက္ခ – အခက်အခဲကျော်လွှားကြောင်း တရားကောင်းကို လက်ကိုင်ထား၍ စောင့်ရှောက်ရမည် – ဟူသော မိန့်ဆိုချက်နှင့်အညီ ပန်းတိုင်သို့ ရောက်လိုသောပုဂ္ဂိုလ်တိုင်း ဘဝဆီမီးတိုင်သဖွယ် ဖြစ်သည့် ဥဋ္ဌာနေန- စသောဂါထာ၌ ဖြော်ပထားသည့် လမ်းညွှန်ချက်များကို မဖြစ်မနေ လိုက်နာကျင့် သုံးရမည်ဖြစ်ပါကြောင်း တင်ပြလိုက်ရပေသည်။     ။

Tags:

About laisaitai